▪#هاام شرح درس المسند والمسند إليه والفضلة
( أ بحري هواري)
المنشور خاص بشعبة الآداب والفلسفة
تمهيد:
▪أي جملة في اللغة فهي تتكون من ثلاثة أركان
(مسند ومسند إليه وفضلة.)
▪واش يعني الإسناد / يعني إعطاء شيء لشيء.
مثال :
-جاء الأستاذ/ هنا عطينا المجيء للأستاذ/ وبالتالي المجيء راهي مسندة والأستاذ رانا ساندين ليه حاجة لي هي المجيء.
فتقول:
المسند هو: جاء، نوعه فعل ماض...النوع هو الإعراب تاعو برك هذا مكان.
المسند إليه: هو الأستاذ/ النوع تاعو راه فاعل...
يعني باش تحدد المسند والمسند إليه لازم تبحث واش عطينا ولمن عطينا ..
- مثال:
توهج المصباحُ / واش عطينا/ عطينا التوهج/ لمن عطيناه عطيناه للمصباح .
إذن المسند لي عطيناه هو التوهج/ والمسند إليه لي عطينالو هو المصباح.
المسند: توهجَ/ نوعه فعل ماض/ المسند إليه: المصباح نوعه فاعل
▪الفُضلة واش تعني/ الفضلة في الطعام هي الحاجة لي نشبعو عليها وما نحبوش ناكلوها.
كذلك في الجملة العربية كاين كلمات ضرورية لي هي المسند والمسند إليه/ وكاين كلمات غير ضرورية مثل الصفة والحال والمفعول به/ أو باش تعرفها تلقاها منصوبة.
- مثال
خرج الأطفالُ مسرعين
خرج مسند/ الأطفال مسند إليه
مسرعين: راهي فضلة/ علاش لأنو راهي حال قادر نتخلاو عليها لأنو راهي فضلة زيادة...الصح راه في المسند والمسند إليه.
- جاءت التلميذةُ النشيطةُ
جاءت مسند / التلميذة مسند إليه/ النشيطة راهي فُضلة لأنها صفة ونقدرو نتخلاو عليها .

▪أمثلة أخرى
محمد مجتهد / محمد مسند إليه نوعه مبتدأ
مجتهد مسند نوعه خبر
فُتِح الباب
فتح مسند نوعها فعل ماض مبني للمجهول
الباب مسند إليه نوعه نائب فاعل

▪أمثلة أخرى
حفظتُ الدرسَ / هنا حذر مليح
حفظْ هي المسند/ التاء هي المسند إليه لأنها ضمير في محل رفع فاعل ( التاء المتحركة تكون مسند إليه/ لكن تاء التأنيث الساكنة ما تكونش مسند إليه كيما المثال تاع جاءت )
الدرسَ هي الفضلة لأنها مفعول به .

- يجري الولد جريا
يجري مسند / الولد مسند إليه/ جريا فضلة لأنها مفعول مطلق يمكن حذفه عادي
▪نجحنا في الامتحان
نحجْ: هي المسند / النون هي المسند إليه لأنها راهي ضمير في محل رفع فاعل .

خلاصة عامة
1▪- المسند: يكون فعل ماض أو مضارع أو أمر
-ويكون خبر .
-ويكون فعل ماض ومضارع مبني للمجهول

2▪المسند إليه: يكون فاعل/ ونائب فاعل/ ويكون مبتدأ

3▪الفضلة: تكون مفعول به وتكون صفة وتكون حال وتكون تمييز وتكون مفعول فيه وتكون مفعول مطلق والمهم تكون منصوبة