كيف تعرب المضاف إلى ياء المتكلم ( جميع الشعب )
المضاف إلى ياء المتكلم باش تعرفو هو كل اسم نكرة متصل مع ياء.
شوف مليح وركز: راني نقول اسم وليس فعل وراني نقول أنو الاسم نكرة ماشي معرفة
▪︎مثال هاتفي ذو جودة عالية
هاتفي هي المضاف إلى ياء المتكلم/لأنو راه اسم وليس فعل وراه نكرة مفيهش ( أل) وراه متصل بياء.
الإعراب تاعو يكون حسب موقعه في الجملة/ مادام راه في البدية فهو مبتدأ
لكن باش تعرب لازم تقسم الكلمة بين زوج / تولي عندك هاتف+ الياء.
هاتف : مبتدأ مرفوع وعلامة رفعه الضمة المقدرة منع من ظهورها اشتغال المحل بحركة المناسبة وهو مضاف.
الياء: ياء المتكلم ضمير متصل مبني على السكون في محل جر مضاف إليه
▪︎ملاحظة :
هاذ الإعراب ثابت فيكسي ما يتغير/ يتغير فقط الاسم قادر يكون مبتدأ كيما هذا
قادر يكون فاعل( جاء صديقي )
قادر يكون مفعول به( رأيت صديقي )
قادر يكون اسم كان( كان صديقي )
قادر يكون اسم إن( إن صديقي ) ...باش تزيد تفهم أكثر دروس القواعد مرحبا بكم في قناتنا على اليوتيب فيها الدروس مرتبة حسب البرنامج الدراسي عنوانها هو ( الأستاذ بحري هواري )