الموقف الثاني: يرى انصار هذا الفريق بانه يمكن التجريب على علم النفس وابرزهم (بوخبيش . احتمالات كوهلر. . قذيفة دوركايم. ....) ولقد بررو موقفهم بالحجج التالية ترى بوخبيش بانه يمكن تجاوز عائق الملاحظة باسكو تقدر تفهم الانسان من تصرفاتو وتعبيرات وجهو والرجفة وذالك بعد مشافت لي مقراوش نهار الباك واش صرالهم وقاتلهم« نقدرو نشوفو الانسان لي خايف نهار الباك » يرى ااحتمالات كوهلر انه يمكن تجاوز عائق عائق التجربة وذالك بانشاء مدارس ومثلا كيما ليسي تاعك كون يحطوك وسط الساحة ويجيبو كامل التلاميذ ويقولهم تفرجو فيك ويشوفو ردة فعلك ويرى قذيفة دوركايم بانه يمكن تجاوز عائق الحتمية حيث لكل فعل ردة فعل وقالهم Par exemple لي تقولها استاذة الفرنسية ويبرر المنبه والاستجابة ومدام نتوما علميين امثلة عديدة تلقاوها في الاتصال العصبي واسهلها باش يفهمو خاوتنا الادبيين تشري لهوك صغيرة لعبة يفرح وهنا وجود علاقة حتمية لاستجابته النقد: لا ننكر الحلول من علماء اي نصهم مكروه لكن موقف هؤلاء مبالغ باسكو مكانش دقة ومزال منقدروش نقول علم النفس علم دقيق التركيب: من خلال تركيينا للموقفين السابقين نقدرو نجربو على تلاميذ الباكلوريا فقط كي شغل نسبية مع مراعاة عواطفهم ومشاعرهم ولايمكن الاستغناء عن علم النفس لانه مضحك

معانا تضحك وتفهم 💪👌 .. مقالة جدلية تضمن بيها 17 في الامتحان🤌🤔 مقالة جدلية حول هل يمكن تطبيق المنهج التجريبي على علم النفس؟ طرح المشكلة: ✅ الانسان ملي زاد وهو تاع تحواس ويحوس يعرف ويدخل روحو فكلش حتى خرجولنا المنهج التجريبي و بطبعه تاع تقرعيج وتكسار راس حاب يسيي المنهج هذا على علم النفس لي زعما يدرس حالة الانسان (بيناتنا تاع دزاير ميخرجش عليهم لي تسييه عليه تلقاه يحوس على دراهم) وهذا ما احدث جدلا بين الفلاسفة والمفكرين حول التجريب على الظاهرة النفسية فهناك من يرى بلي يقدر يجرب على علم النفس والبعض الاخر يشوف بلي مكانش منها وميقتنعش بالتجريب ولهذا نتسائل هل (هل في الاختبار) هنا نقولو زعما يقدرو يسيو المنهج التجريبي على علم الشعر قصدي النفس ؟ الموقف الاول: يرى انصار هذا. الموقف انه منقدروش نطبقو المنهج التجريبي على علم النفس وابرزهم (تبون ديكارت. باك برغسون. ادمن اريسطو....) ولقد بررو موقفهم بالحجج التالية: يرى تبون ديكارت انه عائق التجربة اكبر عائق يواجههم في علم النفس باسكو متقدرش دير تجربة وتديها للمخبر معنوية وشعورية يحس بيها غير هوا وزيد وين علبالك بلاك تديه مكتأب توصل ثم تلقاه يشطح من الفرحة تحبو غير التبهدايل. بالاضافة الى ادمن اريسطو فيرى ان عائق الملاحظة ميخليكش تجرب على علم النفس باسكو واخد مايعرف واش كاين في داخل تاعك مثلا كون تسرق قاطو تاع لعيد وتهرب واحد معلبالو علاش هربت بلاك من الخوف بلاك من فمك معمر بالقاطو بلاك الفرحة كي طحت في البقلاوة ويقول «واحد مايعرف اذا راك مخبي كوبياج غير نتا» كما ذهب باك برغسون الى ان عائق الحتمية بروبلام كبير وماهوش دايم وعطاهم مثال واعر كون متجيبش الباك باسكو راك تقصر راح تحكمك الكابة بصح ناس اخرين راح ينجحو سما ليست عامة غير عليك ومنه ليست حتمية ومنه نوض تقرا النقد: صحيح انه علم صعيب تجرب عليها ولكن موقف هؤلاء مبالغ فيه لأنهم نسو انهم في عصر التكنولوجيا والعلماء عندهم مستقبلات التخباش والذكاء على سطح العقل

خاص #بشعبة_تقني__رياضي • مواضيع البكالوريا في مادة #الهندسة_المدنية من 2011 إلى 2020 مرفقة بالحلول من ديزاد باك رابط التحميل : https://drive.google.com/file/d/1a-vKoa-60s1sF5staDoTCravad9Wb342/view

مواضيع البكالوريا في مادة #الفلسفة من 2008 إلى 2021 #للشعب_العلمية مرفقة بالحلول من ديزاد باك رابط التحميل : https://drive.google.com/file/d/1dqBvNY3AD-12ijX1OcoxiNJPFAPm8Buj/view

سلسة في الدّوال الأسية + اللوغاريتمية + تمارين المتتاليات التي وردت في امتحانات الباكالور يا من 2008 إلى 2021

اخواتي الكرام ادعولنا نجيبو الباك كامل ونفرحو الوالدين ونرجعولهم كامل وش تعبو علينا ونفررحوهم نشاله 😍😍😍🥰🥰🥰🥰🥰🥰🥰🥰 لانو افضل حاجة في دنيا ولي تفرحك هي فرحة الوالدين .مكاش واحد يفرحلك قدهم يارب احفظ لنا ابائنا وامهاتنا يارب العالمين لانملك احد في حياتنا سواهم لانهم اغلى مافي الكون وهم الاكسجين الذي نسنشقه

نص علمي حول المناعة في العلوم الطبيعية باك2024😇 ارجو ان تستفيدوا و ادعولي

مواضيع مقترحة في الرياضيات لباك 2023 رقم 19 (يا رب تدو كامل كيفها او اكثر)

بعض الخرائط الخاصة بالباك